Казах.ру
поиск по сайту и Казнету
rus / eng / kaz
Форумы
На русском языке
Қазақша сөйлесу
Словарь-переводчик

Введите русское или казахское слово. Для ввода казахских символов нажмите цифры:
Ә2, I3, Ң 4, Ғ5, Ү8, Ұ 9, Қ0, Ө-, һ+


полная версия










Общение

Общение: Список форумов
Форум: Жалпы қазақша форум
Тақырып: Мен бақытсызбын...

страницы:    « в конец    2    1  

Авторы Xабарлама
Нәзік
11-12-06 11:09
Алдымен өз өмірбаянымды қысқаша жазып шығайын:
Менің жасым 19-да, дүниеге қарапайым қазақтың жанұясында келгенмін. Апамның тұңғыш ұлының ұрпағы болғандықтан апам жанынан тастамайтын. Үнемі қасына алып жүретін. Түнде манежкада ұйықтайтынмын. Бірақ түн ұйқысын төрт бөлетін апам өліп қалған адамша ұйықтайтын, мен қараусыз басымнан аяғыма дейін зәріме шомылып жататынмын. Анам болса түнде ұрланып келіп ауыстырып, тамақтандырып кетеді екен. Ал апам көріп қойса, анама тыныштық бермейтін көрінеді. Сол кездегі Малыш деген жасанды сүтпен қоректендіреді екен, оны анам қаладан барып, елмен таласып алып келсе, апамның кіші баласы қасықтап жеп қойып, маған қуырылған ұн беріп қатырады екен. Жылауық болып өстім.
Сонымен, үйтіп-бүйтіп 4 жасқа да келдім. Анам мен әкем бөлек шығып кеткен. Есімді біле бастағаннан кейін, апам қыздарыңды ары қарай өздерің бағып алыңдар деді. Мені бірден қаладағы бала-бақшаға беріп, толық киіндіріп, түрлі-түрлі тағам мен дәрумендер алып бақты. Бірақ кеш еді... Екі бүйрекке әбден суық тиген... Асқазанда нашар жұмыс істейді. Бәрі апамның кесірі дейін десем, бәрі: "сені апаң өле жақсы көретін" дейді. Бала-бақшадан мектеп табалдырығын аттадым, оқудың озаты болдым. Өсе келе тұрмыс жағдаймыз нашарлап кетті. Әкем ауылда өскен қазақ, оқымаған, жұмысқа да ала бермейді. Анамның орта білім бар, не керек 10 жылдай анам асырады бізді. Бірақ жалақысы өте төмен еді. Қара кедей болдық. Әйтеуір атамнан қалған пәтер бар.. Мектепке киетін киім таппай қиналатынмын. Сынып жетекшіміз бәрінің көзінше жағдайы нашар деп ақша жинататын(мен, тағы 3-4 бала). Зардап шектім... жаным ауырды... Жылаумен өтті балалық шағым.. Әкем кейіннен ішіп кетті, 2 жылдай әкемнің концерттерін көрдік. Өмір өмір емес - көмір болып кетті. Бой жеттім, жасым 16-ға келді, анам айлығын жинап жүріп мені оқуға түсіріп жіберді. Әкем арақты қойды, бәрі оңалып келе жатқан сияқты еді. Анам операцияға түсті. Ауыр операция болды... Өмірін әрең сақтап қалды. Енді жұмысқа да қабілеті болмай қалды. Әкемді мемелекеттік жұмысқа тұрғызған, ауыр шыдамаймын деп тағы шығып кетті. Тұрып жатқан үйімізід сатып жіберіп, ауылға кетіп қалдық. Ол жақта да өлместің күнін көріп, қалаға қайта бет бұрдық. Бірақ сол ақшаға үй келмеді. Ипотекаға алдық, 20 жылға. Сонымен не керек, оқуымды да бітіріп шықтым. Үш жылдық оқудың дипломын құшып, жұмыс іздеуге шықтым. Ешкім алғысы келмейді, жап-жас 18-дегі қыз бала.. Үмітім үзіліп бола бергенде бір жерден жұмыс шықты. Құлшынып тұрғаннан кейін сынап көрейік деп 2 айға алды. Өттім сынақтан.. Жұмысқа аса құмарлықпен кірісіп кеттім. Бірақ онда жауларым пайда болды. Артыма түсіп алды..Тыныштық бермейді. Қызын алмай қойыпты бастық қабілеті жоқ, жыбырлып жүріп алады деп. Сонымен ол менің кеткенімді қалады. Ал ол кісі бастықтың орынбасары еді. Сонымен жарты жылдан аса жүріп кетіп қалдым. Басқа жерге тұрдым жұмысқа. Тапқан табысымды анама беріп отырдым. Киінгім келеді, ішіп-жүріп, ойнап-күліп деген сияқты жоқ болды. Сол баяғы жетіспеушілік.. Ол жерден жақсы адамдар табылды, қызым деп бауырына басып алды. Айлығы да жақсы еді.. Тең жартылай бөліп алайық мен адамша өмір сүрейінші десем болмайды, бар тапқан - таянғанымды алып қояды.. Жетпеген соң түнгі жұмысқа шығып кеттім.. Официантка болдым, күніне 1000-1500 теңге табатынмын. Оны өзіме жаратпай артымнан ілескен сіңіліме менде болмаған нәрсені алып беріп, киіндіріп, көңілінен шығуға тырысатынмын. Өзімде жоқ мобильный да алып бердім. тағы да өзіме ештеңе де қалмайды. Ком.услуги, свет, газ т.б менің мойнымды. Айлығымды анам алып ипотекаға жабады. Ай сайын 27 000 теңге аз болғандай тағы да кредит алып алды. Айына 16500 теңге. Сонымен ары тартам бері тартам жетпейді.. Түріме қараса жап-жас құлпырып келе жатқан қыз, ішімде қартайып солып қалған кемпір.. Сыртым бүтін ішім түтін. Білдірмеуге тырысамын. Жай көзге білінбейді, бірақ суретке үңіліп қарасаң жанарымнан мұң байқалады. Оны маған бірнеше адам айтқан. Бәрі білгісі келеді. Міне кеше ғана айлығымды алдым. Официанттың жұмысынан шығып кеттім. Әкеммен жасты ер кісілер тыныштық бермеді, тиісіп, құмарланып тұрады. Ұяттан безгендер.
Күн десе мынау суық. Үстімде ескі пальто мен аяғымда күздік етік.Өзі де құрыған бүйрек одан бетер ауырсынады. Анама аяғым жаурап жүр, папам неге таппайды, аяқ киім алып киейінші, тауып жатырмын ғой, десем кредитті қайтеміз деп шығады. Әкем селкілдейді көзіңді ағызбай түгел өзіңе жарат деп, анам болса , кредит деп шырылдайды. Сонымен банкоматтың карточкасын бере салдым. Енді міне жұмысымда отырмын. Жұрттан ұят, ауыз толтырып айтарлықтай айлығы бар, жүрісі мынау сүмірейіп деп те айтатындар көрінеді. Жағдайым қиындап барады. Әке-шешеммен арамыз да суып бара жатыр. Кет онда бізден, бар квартира тауып тұрып көр дейді. Қазіргі жалға берілетін пәтерлер өте қымбат. Не істерімді білмей жүрмін, менің жасымдағылар әлі күнге дейін ата-анасына еркелеп, алып бер, тауып бер деп міндетсінеді. Мен еркелікті 6 жасымнан ұмытқанмын. Байдың көкбет, көкірек, тәлпіш қыздары жүрісі анау, бұзылып, бастарына "приключение" іздеп.. Интернетті ашып қарасаң өңкей жап-жас қыздар, төсек қызығын іздеуде.
Маған Алла тағала ажарды аямай берген, бірақ бақыт нағыз "қыз бақыты" жоқ. Жаман - жаман біреулер басынғысы келеді. Сөз салып тұрады ұялмай, әке-шешем кедей болса да өзімнің көкірегім мен көркім жетерліктей. Маған ұнаған жіггітер менің материалдық жағдайымды көріп, теріс айналып кетіп қалады. Тауып жатырмын, қиыншылықты осы уақытқа дейін көріп келе жатырмын. Түсінігім сол, ақылым уақытынан бұрын толып, жетіліп қойғанмын. Мен 10 жасымда өмір деген не екенін түсіндім. Менің сыңғырлаған күлкім күлкіден көрі зарлағанға ұқсайды, сырт көзге бақытты болып көрінемін. Ішім жылайды. Қадірімді білмей жүрген жандар.. шіркін-ай, бір сәтке шынымен - ақ кудем бақытқа толып кетсе ғой..
Не денсаулығым жоқ.. Емделетін ақша да жоқ. Аялдамада аяғымнан сыз өтіп тұрғанда жылап жіберемін. Жүйкем де тозған.. Сәл бірнәрсе болса жылай саламын, айқайлап жіберемін.
Неге басқалар сияқты жетістікте өмір сүре алмаймын. Шаршап кеттім.. Шаршадым. Бәрінен, бұл өмірден. Мен 19 жыл емес, 49 жыл өмір сүріп келе жатқан сияқтымын. Неге бұл қу жетіспеушілік мені жібермейді??? Анам бір табысты, ақшалы жігітке тұрмысқа шық дейді, ондайларың маған қарайын деп тұрған жоқ. Менсінбейді, оларға байдың еркелеп, қолдарына қасық алып ас дайындамаған қыздары керек. Ақсаусақ, өзін өзі күтіп қалған қыздар керек. Мені не қылсын? Тақиясына тар келемін. Тең теңімен тезек қабымен...
Мені бақытты деп кім айта алады?
Мүмкін мен дұрыс айтпай тұрған шығармын? Түзететін, ақыл айтушылар бар болар.. Кекетіп, мазақ қылмаңыздар, өмір өткінші, алма-кезек , басымнан аулақ дей көріңіздер!
Бақытты шығармын мүмкін мен, бақытты күтіп жүргенде өтіп кеткен сәттер болған шығар..
Кім айтады?



Авторы Жауап
Лаура
Laura_muratbaeva@mail.ru
21-03-07 08:33
Сыбаға алып жылдардан жылжып өткен,
Кездерің де болмасын мұң жүдеткен.
Күліп шықсын бақытың қарсы алдыңнан,
Қайғы көрме, тілеймін шын жүректен!
мен білемін
20-03-07 14:12
мен таптым сенін кім екенінді... сен осы сайттың тұрақты тұрғынысың ғой...
Түсінетін жігіт..
massaget-999@mail.ru
19-01-07 12:47
Нәзік айтқандарың шын болса маған хабарлас. Көмектесемін..
Лаура 2
19-01-07 09:52
Зауре қызықсың сен. Бірінші көзімізді жеткізейік сосын көрерміз. Камшаттан хабар күтейік. Кейбір адамдар фантазиямен өмір сүреді оларды кінәлауға болмайды.
Зауре
Лаурага
18-01-07 09:31
Тусініндерші, мундагы проблема -ЖАЛГАН. Ойдан шыгарылган. Мундагы журтты акымак кылып куліп отырган жан бул. Акыл айт дейсін, жок проблемага акылдын керегі не? Айтшы.
КАМШАТ- калай таныстын ба? Козін жетті ме ондай жан, проблема жок екеніне?
Лаура
17-01-07 15:05
Зауре мен түсінбедім. Сіздің жұмысыңыз өтірік пен шындықты арасын ашу ма? Адам проблемасын айтып отырса оған адам түсінушілікпен қараған жөн. Басқа түспегесін (басыңа бермесін) түсінбейтін боларсың Көмекті сенен сұрап жатқан жоқ қой неге шарсайсың. Ақылың болса айт.
Ақынсымақ
06-01-07 03:48
Кедейлер жәннатқа бірінші кіреді деген жерде жалпы ережені айттым. Көкейіңе алып қалма, саған қатысы жоқ.
Сенің жағдайың қиын екені рас, бірақ, айтқан сөздеріңе қарасам, көкірек көзің ояу, ақылды сияқтысың. Сөзімді дұрыс түсін.
Ақынсымақ
06-01-07 03:44
Нәзік, мұңыңа ортақтаспын. Біле білсең, бұл өмірде ең жақсы жаратылыс-пайғамбарымыз. Ол кісінің басынан өткен нәрсесін ешқайссымыздың басымызға бермесін. Тумай жатып әкеден, алты жаста анадан айрылып, кейін келе елінен қуылып, ашаршылықта малдың терісімен қоректеніп, таспен атқыланып, тамақсыз-сусыз айлар мен жылдар өткізген кездері болған. Бірақ, бұл өмір алдамшы. Аллаһ тағала тек жақсы көрген құлдарына сынақ салып, өмірде қиыншылық беруі мүмкін. Ертеде сахабалар бір күн қиындықсыз өткізсе болды, Аллаһым мені ұмытты деп зар жылайтын. Сабыр сақтасаң, Құранда айтылғандай: Әрбір ауырлықтың соңы жеңілдік. Осы бір сынақ сәтте Аллаға тіл тигізе көрме. Барыңша Алладан медет сұрасаң, Алла ерекше мейірімді.
Өткен өмір өтті, ендігі кезде берілме. Тағдыр тәлкегі бұл өмірде ащы болса, о дүниеде тәттімен қайтады. Жәннатқа ең бірінші кедейлер кіреді деген.
Осы сөзіме сенсең, мен әрдайым ақыл кеңес беруге дайынмын. Өзің тырысып, Аллаһ жібінен ұстасаң, әлбетте бір шығатын тесік болар әлі алда. Өмір бойы осылай бола берер деймісің.
Осы ойыңа мазақ, келеке, ұрсу жазғандар болса қам жеме. Адам сөз айтқыш келеді. Пайдалысын ал да пайдасызын өзіне қалдыр. Аллаһ жеңілдік берсін.
Жанна
04-01-07 08:48
Шынымен де шындыққа жанаспайды.Көмектесетін ең болмаса бір туысқаны жоқ па?Ақша табудың оңай жолын тауыпты.Осындай жағдайларды естіп оқығаным бар еді.Ал егер мен қателесіп жазғандарың шын болса кешірім өтінемін,сені құдай аясын.Сенің көшеңде де той болар.Қанша адам болса сонша ой болады.
Ауылдың домалағы
ai_nur_al@mail.ru
02-01-07 17:04
Ия өте кәңілсіз тарих екен...
Осыдан 5,6 күн бұрын оқып не дерімді білмедім. Әшейінде өмір мен әлем туралы пәлсапаны сапырып жүрсемде қарындасыма не дерімді білмей састым...
Десек те осындағы замандастарымның жазғандарына аз-маз қосып алатыным бар.
Бәріміз де кей-кезде осы жалғандағы ееең бақытсыз адам екенімізді сезінетін кездер болады.
Жастықтың бірінен бірі өткен аяулы күндері таудан аққан бұлақтай жылысып, ғасыр дариясының кең арнасына құйылып жатыр. Сол кеңарнада ағын судың толқынындай үміт, тілек толқыны шарқ ұрып бізді ілгері қарай әкетіп барады.Бала күніңдегі бұлақ кезіндегі кішкене кішкене толқындар, яғни біздің арман мен үмітіміз, үлкейіп дарияға қосылғанда, яғни есейген шағымызда оларды ұлғая бермек дарияның толқындарындай... Бірақ өздеріңіз ойлап қарасаңыздар, толқындар соңында не болады? жағаға соғылып сіңіп жоғалады емес пе...
Бәлкім сол бала күннен жалғасқан арман мен үміт орындалмаған соң осылай сезінетін шығармыз өзімізді.
Байқағаным қарындасым сіз қатты өкінесіз, бірақ, біздердің өкініш деп тұрғандарымыз, әдепкі қызғаныштан өршіп барып, басылған аяушылық сезім... Мейлі өзіңе мейлі басқаға болсын.
Сондықтан құй ойла құй ойлама бәрібір сол аяушылық сезім арттан қалмайтыны анық.
Ана Кәмшат құрдастың аузына май дейік бәлкім қалтасы болмаса да, ақылы мен білімі қалың бір жігіт кездесіп бағың жанар соны тілейік жаратқаннан , бұны енді көңілсіз әңгімеден соң қалжың ретінде қабылда.
Зауре
02-01-07 13:14
Камшат! Шаршамашы, менін жогары дарежелі маман екенім рас болса, бул ойдан шыгарылган ангіме. Дос далбаса, сенбесен кайтсен де мына кызбен тнысып, тіршілігін козінмен корші. Онын сенімен кездесуге келмейтініне 100 пайыз кепілдік беремін. кандай боласын бір сылтау табады. Оган сені сендіреді. Егер назіктін жазганындай шындык омір болса, мен сендермен кездесіп, дипломымды екі айырам.
Кәмшат
kamshat_81@mail.ru
29-12-06 14:05
Несіне барлығың табалап қалдыңдар?

Бір ақылдарыңды жазсаңдар, айналайындар ау бір жерлерің қисайып қала ма?

Зәуре деген психологсымақ басынан табалап келе жатқаны сол. Құдай басқа бермесін де! Нәзік тым асырып жазса да, бұл Форум, бұл жерде идея тастайтындар көп. Мүмкін өмірден алынғандары шығар. Осы бір Үнді киносындағы Гита мен Зитаның өгей шешесі ұқсап қолыңды шығарып ап бір, екі, үш... деп жатқаның. Не болды??? Шынымен жоғары дәрежелі психолог болсаң, біріншіден адам баласының жан тәнін түсінуің керек еді. Қайдам сен де ауыз толтырып маңмаңсып жүрген жансың ау деймін.

Жадыра! Қыз бала өмірі мен материалдық жағдайын түзету үшін қалталы азаматқа күйеуге тию керек дегенің бұрыс әңгіме. Менің ойымша Нәзікке және оның ата анасына кредиттің не екенін түсіндіру қажет. Несие - ол қарыз ақша екенін ұмытпауы қажет. Біздің ауыл адамдары осы несиені мемлекеттен тегін алып жатқандай көреді. Ол дегенің банк қызметкерлерінің жалған мағлұмат берулері. Пайызы көп болатынын кейбір банк қызметкері жасырып та жатады.

Нәзік, мойыма, саған қандай ақыл кеңес берерімді де білмей отырғанмды қарашы. Құрбан айт мерекесіне қарсы осындай жүрек айқайын есіткеннен кейін қалай қазақ бола тұра, адам бола тұра көмекке келе алмаймын? Э.майлыңды жаз, болмаса маған жаз. Кездесіп көрелік, қолдан келгенше бар көмегімді аямаспын. Ең болмағанда аяғыңның жылы жүруін қамтамасыз етермін.

Өмірден түңілмей Алла ризашылығына ие болған достарыңның бар екеніне көзіңді жеткізерсің. Сау болып жүр.
эксперт
29-12-06 09:26
Назін қатты айтсам кешір неменеге өзіңді төмен түсіре бересің, бір өмірдегі жалғыз бишара жандайсын.
Жазғаныңды оқып шығып ойымды бір түйінге келістіре алмадым.
Бақытты жан деген не? Бақытсыз жаннан қандай айырмашылығы бар?
бәрімізде өмір тапшылығымен өстік, шылқыған байлар да оңайлықпен жеткен жоқ сен айтқандай бақытты өмірге.
текке зар жылайтын тамағы тоқ жетім лақтайсың, ұялсаңшы жазуға.
Әжеңді жамандап не болды бір екі рет шылқыған төсекте жатқан шығарсын но не 4 жыл?
Бәрімізде әжелеріміздің қолында өскенбіз соның тәрбиесі, жұрттан кем емеспіз.
Кімге тиісеріңді білмей жүрген жансың, іке шешеңді бақпағанда қара басыңнын жайын ойлайтын қандай жансың?
Мари
16-12-06 23:09
Зәуре оны түсіну үшін сені әжең тәрбиелеу керек немесе өзіңнің балаң болуы керек. Сонда өз әке шешеңнің қадірін түсінесің, балаңды да ешкімге бере қоймассың. Әжелерді ешкім жамандап жатқан жоқ. Оларда қартайғанда бір бала. Бірақ немеренің жазығы не, полномочияларын асырып қажеті жоқ деген әңгіме ғой
Аѓањ
15-12-06 19:57
Нѕзік ќарындас егерде осы болѓан жаѓдайыњ рас болса кљмектесейік.Ќолдан келгенше.Ал егерде Ѕжењді,Ѕке-шешењді босќа ќорласањ онда љзіњ біл ? е-mаilыњды жаз.
Не болмаса наќтыраќ мекен жайыњды жаз .Егерде артыќ айтсам ренжіме
Зауре
15-12-06 15:46
мариге: Аже жайын тусіну ушін озіміз аже болуымыз керек. Баска амал жок. Болашакта жаксы келіп жолыгып, озін адемі картай деймін.

Динара: Псиологтардын барлыгы мияулап, алдилеп отырып емдемейтінін білмейтін болдын гой.
Жадыра1
15-12-06 11:33
Нәзік, ешқашан да бақытсызбын деп айта көрме, алдағы өміріңе сен. Әлі 19 жастасың. Кім біледі, құдайдың назары түсіп, жақсы адамға күйеуге шығып әлі-ақ осы күніңді күрсіне есіңе алатын шығарсың. Құдай бәрін де көріп тұрады, мысалы, осы уақытқа дейін мен де "үйі бар, күйі бар" жігітке күйеуге шықпасам, пәтер мәселесі басқаша шешілмейтін шығар деуші едім. Ойламаған жерде, құдайға шүкір, үйім де болды, жалақым да өсті. Тек, құдайға сен. Туысқанға көмектесе бер, өйткені сен бермесең, олар ана кредитті қалай төлейді? Баспанадан айрылсаңдар сонда, зарлаудың көкесі болады. Туыс бәрібір керек.
Қиналма, басыңды көтеріп, болашақтан үміт күт. Денсаулығың жақсарсын. Ауырма. Көңілді жүр, жігіттердің бәрі тек бай қызға ғана қарайды деген түсінікті басыңнан шығар. Тек, сәттілік тілеймін.
Динара
14-12-06 18:25
Нєзік, сен мыќты болуѓа тиістісіњ! ¤зіњді баќытсызбын деп еш шара ќолданбай отыра берсењ жастыќ шаѓыњныњ ќалай µтіп кеткенін білмей де ќаласыњ. Сондыќтан бар инициативаны µз ќолыња ал да "Пионер,алѓа!" деп б±л мєселеге шешім тап. Достарыњнан колдау ізде. Ал Зєуреге айтарым, сен психолог емессіњ, психологсымаќсыњ. ¤зіњ айтќандай шын мєнісінде жоѓары дєрежелі маман болсањ µзі жаны жаралы адамныњ одан сайын ж‰йкесіне тимей, с‰йемелдеп, µмірге, ќоршаѓан ортаѓа, ќоѓамѓа деген сенімін тудырар едіњ. Нєзік бізден сын емес, аќыл, с‰йемел с±раѓан еді!
Мари
14-12-06 16:45
Зауре, ол рас каншама "кайран аже" бала тарбиесине орнысыз араласады. Ар заманнын талабы баска омирде. Нарестеге оз ата-анасынан артык ешким жок. Соны тусинбейди кейбир ажелер. Биреудин баласында неси бар. Ажелердин орны бар, бирак олар мамасын айырбастауга тырыспасын
Қазақ Жас
kazakbol@mail.ru
13-12-06 12:14
менімше бұл дәл қәзіргі замандағы орта қазақтың жағдайы.

Нәзік атыңнан айналдым, өте керемет мәнерлеп жазғансың!
Басқа проблемалар мынаның қасында түйеде құлақ екен.

Қолыңнан ұстап келешек бақытқа жетелер НАҒЫЗ АЗАМАТ-ыңды тапқайсың


Айтарым, бақыт деген ол құбылмалы пікір! Астында жип машина,басында сарайы барларды БАҚЫТТЫ демексіз бе? ол жаңылыс адасқандық!
Қарны тоқ киімі бүтін ҚАНАҒАТ тұтқан адам ғана 2 дүниеде БАҚЫТТЫ!!!

Зауре
13-12-06 09:37
Менін озім де сол Альянстын кредитінін кулымын. Одан да бажалактамай жалган кужатпен алдык деп бірден айтпайсын ба, дегенмен де куманды. Екіншіден сен мені дурыс тусін - сен мына козкарасынды, коршаган ортага деген пессимистік, жауыккан пигылынды озгертпесен осы куйінде неудачница болып отеріне 120 пайыз кепілдік берем. Бул жогары дарежелі психолог- маманнын /ягни менін/ акылы.
- Кайран аже, немере бакканда остіп, козі кеткен сон кадірі кашып соз боларын білді ме екен...
AMERICA
akbota_academy@hotmail.com
12-12-06 20:36
Hazik sen massagan comdagisin ba
Мари
12-12-06 19:58
Нәзік карточкаңды неменеге бердің? Мойныңа тым ауыр жүк алып алыпсың. Әуелі өзің аяғыңнан тік тұрып, сосын артылғанын туыстарыңа беруің керек. Сен өлсең де олар өмір сүреді, аштан өлмейді. Әлі жассың, бірінші орында өзің тұруың керек. Менің оқиғам сенікіне ұқсас, мүмкін сәл жеңілдеу шығар. Әкем ерте дүниеден өтті. Қазір иншалла жақсы жағдайымыз.
Заманың түлкі болса, тазы боп бір қу
Нәзік
Зәуре
12-12-06 10:58
Зәуре -жан, сен ипотека деген кредитті білуші ме едің? Альянс банкке бар да сұрап көрші 20 жылға ипотекаға кредит алуға болады ма деп. Мені сөккенше басымнан аулақ дей көр. Кай жұмыс емес бір ғана жерде тыныштық бермеді. Ал менің зәрге шомылып жататынымды анам айтып берген, әпкеммен бірге. Ес біліп бой жеткен де сен не білесің деп бастаған әңгімесін. Сондықтан мені дұрыс түсін. Кредитті және маған берген жоқ, әке-шешем жалған анықтама мен құжаттар жинап таныс тауып алған. Айлығы 45-50 нан асатын азаматтарға үлкен көлемде үлкен мерзімге ипоеткалық кредит береді. Ол сен кредит жағынан сауатсыз. басыңа түссе бірден түсінетін едің. Саған мен бұл өмірден бақыт мен сәттіліктің көзін табуды тілеймін. Бақытты бол!
Зауре
11-12-06 15:01
Біріншіден: «мен қараусыз басымнан аяғыма дейін зәріме шомылып жататынмын. Анам болса түнде ұрланып келіп ауыстырып, тамақтандырып кетеді екен. Ал апам көріп қойса, анама тыныштық бермейтін көрінеді. Сол кездегі Малыш деген жасанды сүтпен қоректендіреді екен, оны анам қаладан барып, елмен таласып алып келсе, апамның кіші баласы қасықтап жеп қойып, маған қуырылған ұн беріп қатырады екен. Жылауық болып өстім.» - БҰЛ НЕ? Коріпкелдік пе? Алде ол адам сондай еді деп уйретуші бар ма?
Екіншіден: Окига желісі кыспайды. Акен жумыс істемесе, анан операциядан шыкса, сен окудасын, /себебі жумыска осы уакигадан сон турасын/ кредитті кай банк калай берді. 20 жылга, айына 27 мыннан ол не деген кредит, ол не деген патер? Еще тагы 16 мыннын кредиті косылды.
Ушіншіден: Кай жумыска турсан да сенін гана басына кара булт уйіріліп турады. Барлыгыныкі дурыс емес, сен жапа шегушісін. Бұл – мумкін емес нарсе.
Кыскасы: не ойдан куралган ертегіні жазып, халыкты мундагыларды шуылдатып койып, миыгынан куліп отыратын сабаздын озісін. Немесе басындагы окигаларды озіннін ынгайына карай асірелеп жазушы кызсын. ҰЯТ ЕМЕС ПЕ?



страницы:    « в конец    2    1  


Сіздің жауабыңыз
Есіміңіз:
Сіздің e-mail:
Мәтін:
Кескіндегі код:

Кодты жаңарту
 




© 2002—2017   | info@kazakh.ru   | Блог  | О проекте  | Реклама на сайте | Вакансии 
Группа Вконтакте Страница в Фейсбуке Микроблог в Твиттере Сообщество на Мейл.ру Канал пользователя kazakhru - YouTube
Создатель сайта —
интернет-траблшутер Марат Ижанов